பொகவந்தலாவையில் 7 பெண் தொழிலாளர்கள் குளவி கொட்டில் பாதிப்பு

பொகவந்தலாவ செல்வகந்த தோட்டத்தில் நேற்று (20) தேயிலை கொழுந்து பறித்து கொண்டிருந்த ஏழு பெண் தொழிலாளர் குளவி கொட்டுக்கு இலக்காகி பாதிக்கப்பட்டுள்ளனர்.

பொகவந்தலாவ செல்வகந்த தோட்டத்தில் உள்ள ஐந்தாம் இலக்க தேயிலை மலையில் உள்ள மரம் ஒன்றில் இருந்த குளவி கூடு கலைந்து தொழிலாளர்களை தாக்கியதாக பாதிக்கப்பட்ட தொழிலாளர்கள் தெரிவித்துள்ளனர்.

காயங்களுக்கு உள்ளான ஏழு பெண் தொழிலாளர்களும் மருத்துவமனையில் சிகிச்சைக்காக அனுமதிக்கப்பட்டுள்ளனர்.