சென்னையிலிருந்து தங்க நகைகள் கடத்தி வந்த 14 பேர் கைது

சட்டவிரோதமான முறையில் தங்க நகைகளை இலங்கைக்கு கடத்தி வர முற்பபட்ட இலங்கையர்கள் 14 பேர் நேற்று (31) பேர் கைது செய்யப்பட்டுள்ளனர்.

நேற்று இரவு 7.30 மணிக்கு சென்னையிலிருந்து புறப்பட்ட ஏ.ஐ – 273ம் இலக்க விமானத்தில் பண்டாரநாயக்க சர்வதேச விமானநிலையத்தில் வருகைத்தந்த குறித்த 14 பேரையும் சுங்கத் திணைக்கள அதிகாரகள் கைது செய்துள்ளனர்.

குறித்த சந்தேகநபர்கள் இலங்கையில் இருந்த இந்தியாவிலிருந்து வாடகைக்கு பொருட்கள் கொண்டு வருபவர்களாவர்.

கைது செய்யப்பட்டவர்களிடமிருந்து 4கிலோ 700 கிறாம் தங்க நகைகள் மீட்கப்பட்டுள்ளன. கைப்பற்ற நகைகளின் பெறுமதி 31 மில்லியன் ரூபாவாகும்.

சந்தேகநபர்கள் கொண்டு வந்த புடவை பொதிகள், அணிந்திருந்த ஆடையில் உள்ள பொக்கேட்டுக்கள் என்பவற்றில் நகைகள் ஒழித்து வைக்கப்பட்டிருந்தன.

தங்க மாலைகள், மோதிரங்கள், தோடுகள், காப்புகள் என்பன இதில் இருந்தமை குறிப்பிடத்தக்கது.