நாட்டில் சில பாகங்களில் ஊரடங்குச்சட்டம் அமுலில்

புத்தளம், நீர்கொழும்பில் இன்று மாலை முதல் ஊரடங்கு சட்டம் அமுலுக்கு வருகிறது

புத்தளம் மாவட்டம் மற்றும் நீர்கொழும்பு, கொச்சிக்கடை பொலிஸ் அதிகாரத்திற்குட்பட்ட பிரதேசத்திற்கு இன்று 4.30 மணிமுதல் ஊரடங்குச்சட்டம் அமுலுக்குவரவுள்ளதாக அறிவிக்கப்பட்டுள்ளது.

இந்த தகவலை பொலிஸ் ஊடகப்பேச்சாளர் சற்றுமுன்னர் அறிவித்தார்.

கொரோனா வைரஸ் தொற்று பரவலை தடுப்பதற்காக புத்தளம் மாவட்டம் மற்றும் நீர்கொழும்பு, கொச்சிக்கடை பொலிஸ் அதிகாரத்திற்குட்பட்ட பிரதேசத்திற்கு இவ்வாறு பொலிஸ் ஊரடங்கு சட்டம் அமுல்படுத்தப்பட்டுள்ளது.

அதன்படி, புத்தளம் மாவட்டத்திற்குரிய கருவலகஸ்வெவ, வனாதவில்லுவ, நவகத்தேகம, முந்தளம், உடப்புவ, சாலியவெவ மற்றும் நுரைச்சோலை ஆகிய பிரதேசங்களுக்கு இன்று பிற்பகல் 4.30 மணி முதல் அமுலுக்கு வரும் வகையில் பொலிஸ் ஊரடங்கு சட்டம் அமுல்பபடுத்தப்பட்டுள்ளதாக அவர் தெரிவித்துள்ளார்.

நீர்க்கொழும்பு பிரிவின் கொச்சிக்கடை பொலிஸ் அதிகாரத்திற்குட்பட்ட பிரதேசத்திற்கும் இந்த ஊரடங்கு சட்டம் அமுல்படுத்தப்படுவதாகவும்  தெரிவித்தார்.