இ.போ.ச சாரதிகள், நடத்துநர்கள் விடுமுறை ரத்து

இலங்கை போக்குவரத்துச் சபையில் பணி புரியும் அனைத்து சாரதிகள், நடத்துனர்களினதும் விடுமுறை இன்று (26) முதல், மறு அறிவித்தல் வரை இரத்துச் செய்யப்பட்டுள்ளது.

கொழும்பு, கம்பஹா மாவட்டங்கள் தவிர, ஏனைய மாவட்டங்களுக்கு இடையிலான பஸ் போக்குவரத்துக்களை இன்று தொடக்கம் அனுமதி வழங்கியுள்ள நிலையில் இவ்வாறு விடுமுறைகள் ரத்து செய்யப்பட்டுள்ளன.

இ.போ.சபைக்குச் சொந்தமான 5,000 இற்கும் மேற்பட்ட பேருந்துகள் இன்று தொடக்கம் சேவையில் ஈடுபடுத்தப்பட்டுள்ளது என்று சபையின் பிரதி பொது முகாமையாளர் தெரிவித்துள்ளார்.

இதேவேளை, வௌி மாகாணங்களில் இருந்து கொழும்புக்கு பணிக்காக வரும் அரச மற்றும் தனியார் ஊழியர்களுக்காக 27 ரயில்கள் சேவையில் ஈடுபடுத்தப்பட்டுள்ளதாக புகையிரத பொது முகாமையாளர் தெரிவித்துள்ளமை குறிப்பிடத்தக்கது.