அவுஸ்திரேலியாவில் இருந்து 229 இலங்கையர்கள் நாடு திரும்பினர்!

அவுஸ்திரேலியாவில் இருந்து 229 இலங்கையர்கள் நேற்று (11) இலங்கைக்கு அழைத்து வரப்பட்டுள்ளனர்.

மெல்போர்ன் நகரில் இருந்து ஶ்ரீலங்கன் எயார்லைன் நிறுவனத்திற்கு சொந்தமான யு.எல் – 600 இலக்க விசேட விமானத்தில் இவ்விலங்கையர்கள் அழைத்து வரப்பட்டனர்.

தொழில் மற்றும் உயர் கல்வி நிமித்தம் அவுஸ்திரேலியா சென்றிருந்த குறித்த இலங்கையர்கள் கொவிட் 19 தொற்று காரணமாக தாய்நாட்டுக்கு திரும்பி வர விருப்பம் தெரிவித்திருந்திருந்தவர்களாவர்.

பிற்பகல் 2.33 மணியளவில் அவர்கள் கட்டுநாயக்க விமானநிலையத்தை வந்தடைந்தனர் குறித்த இலங்கையர்களுக்கான PCR பரிசோதனை விமானநிலையத்தில் அமைக்கப்பட்டுள்ள விசேட ஆய்வுகூடத்தில் நடத்தப்பட்டது.