அதிகரிக்கும் கொரோனா தொற்றாளர்கள்

நாட்டில் நேற்று (31) 37 பேருக்கு கொவிட் 19 தொற்று உறுதியாகியுள்ளது.

ஐக்கிய அரபு இராச்சியத்தில் இருந்து நாடு திரும்பிய 2 பேருக்கும், கட்டாரில் இருந்து நாடு திரும்பி நிலையில் தனிமைப்படுத்தப்பட்ட 32 பேருக்கும், இலங்கை வந்துள்ள இந்திய கடலோடிகள் 3 பேருக்கும் கொரோனா வைரஸ் தொற்று உறுதியானதாக அரசாங்க தகவல் திணைக்களம் தெரிவித்துள்ளது.

இதன்படி நாட்டில் நேற்று வரையில் கொவிட் 19 தொற்றுறுதியானவர்களின் எண்ணிக்கை 3 ஆயிரத்து 49 ஆக அதிகரித்துள்ளது.

கொரோனா வைரஸ் தொற்றில் பீடிக்கப்பட்டிருந்த மேலும் 8 பேர் நேற்று குணமடைந்து வைத்தியசாலைகளில் இருந்து வெளியேறியுள்ளனர்.

இதன்படி, நாட்டில் கொவிட்-19 தொற்றிலிருந்து குணமடைந்தவர்களின் எண்ணிக்கை 2 ஆயிரத்து 868 ஆக அதிகரித்துள்ளது.

கொவிட் 19 தொற்றால் பீடிக்கப்பட்டுள்ள 169 பேர் தொடர்ந்தும் நாட்டில் உள்ள பல வைத்தியசாலைகளில் சிகிச்சை பெற்று வருகின்றனர்.