புகையிரத சேவை அத்தியவசிய சேவையாக பிரகடனப்படுத்தி அமைச்சரவை பத்திரம் அனுமதிக்கப்பட்டாலும் தொடர்ச்சியாக போராட்டத்தை முன்னெடுக்கப்போவதாக ரயில்வே தொழிற்சங்கங்கள் தெரிவித்துள்ளன.
எனினும் குறித்த அமைச்சரவை பத்திரம் தொடர்பில் இன்று (01) மாலை கலந்துரையாடவுள்ளதாக அச்சங்கங்கள் அறிவித்துள்ளன.
அக்கலந்துரையாடலில் வேலைநிறுத்தப் போராட்டத்தை தொடர்ந்து முன்னெடுப்பதா இல்லையா என்பது தொடர்பில் தீர்மானிக்கவுள்ளதாகவும் அச்சங்கங்கள் தெரிவித்துள்ளன.
கடந்த 24ம் திகதி நள்ளிரவு ரயில்வே ஊழியர்கள் வேலைநிறுத்தப் போராட்டத்தை ஆரம்பித்தமையினால் பொதுமக்கள் பாரிய அசௌகரியங்களை எதிர்நோக்கி வருகின்றமை குறிப்பிடத்தக்கது.
Print 
PDF