நாளை (10) கொழும்பில் நடத்தப்படவிருந்த ஆசிரியர் நியமனத்திற்கான போட்டிப்பரீட்சையை பிற்போடுமாறு புனர்வாழ்வு மற்றும் மீள்குடியேற்ற இராஜாங்க அமைச்சர் எம்.எல்.ஏ.எம் ஹிஸ்புல்லா கோரியுள்ளார்.
நாட்டில் நிலவும் அவசரகால நிலைமையை கருத்திற்கொண்டு இப்போட்டிப்பரீட்சையை பிற்போடுமாறு பரீட்சைகள் ஆணையாளர் நாயகத்திடம் அமைச்சர் இக்கோரிக்கையை முன்வைத்துள்ளார்.
அமைச்சரின் கோரிக்கைக்கமைய போட்டிப்பரீட்சையை பிற்போடுவது தொடர்பில் ஆராயப்பட்டு வருவதாக பரீட்சைகள் ஆணையாளர் நாயகம் பரீட்சைகள் திணைக்களத் தகவல்கள் தெரிவிக்கின்றன.
மத்திய மாகாணம் உள்ளிட்ட நாட்டின் பல பாகங்களிலும் இருந்து போட்டிப்பரீட்சைக்கு வரவுள்ள பரீட்சார்த்திகள் பல்வேறு சிக்கல்களுக்கு முகங்கொடுக்க நேரிடலாம் என்ற அச்சம் காரணமாக குறித்த கோரிக்கையை அமைச்சர் விடுத்துள்ளார்
Print 
PDF