மினுவாங்கொட ப்ரெண்டிக்ஸ் ஆடைத்தொழிற்சாலை ஊழியர்களுடன் தொடர்புடைய சுமார் 5,000 பேரிடம் பீ.சீ.ஆர் பரிசோதனைகள் மேற்கொள்ளப்பட்டுள்ளதாக சுகாதார அமைச்சின் தொற்று நோய் தடுப்புப் பிரிவின் பிரதான மருத்துவ அதிகாரி சுதத் சமரவீர தெரிவித்துள்ளார்.
மினுவாங்கொடை ப்ரெண்டிக்ஸ் ஆடைத் தொழிற்சாலை கொத்தணியில் கொவிட்-19 தொற்று உறுதியானவர்களின் எண்ணிக்கை 1053 ஆக அதிகரித்துள்ளதாக இராணுவத் தளபதி லெப்டினன் ஜெனரால் ஷவேந்திர சில்வா தெரிவித்துள்ளார்.
மினுவாங்கொடை ப்ரெண்டிக்ஸ் ஆடைத்தொழிற்சாலை கொத்தணியில் கொவிட்-19 தொற்று உறுதியானவர்களுடன் நெருங்கிய தொடர்பிணை பேணிய 18 பேருக்கு நேற்று தொற்றுறுதியானது.
அத்துடன், மினுவாங்கொடை ப்ரெண்டிக்ஸ் ஆடைத்தொழிற்சாலையின் பணியாளர் ஒருவருக்கும் கொவிட்-19 தொற்றுறுதியானதாக அரசாங்க தகவல் திணைக்களம் அறிவித்துள்ளது.
அத்துடன், ஐக்கிய அரபு இராஜ்ஜியத்திலிருந்து நாடு திரும்பிய 7 பேருக்கும், ஈரானிலிருந்து நாடு திரும்பிய இரண்டு பேருக்கும், குவைட்டிலிருந்து நாடு திரும்பிய ஒருவருக்கும் கொவிட்-19 தொற்று உறுதியானதாக அரசாங்க தகவல்கள் திணைக்களம் தெரிவித்துள்ளது.
இதற்கமைய, நாட்டில் நேற்றைய தினம் மேலும் 29 பேருக்கு கொவிட்-19 தொற்று உறுதியானது.
இதன்படி, நாட்டில் கொவிட் தொற்றுறுதியானவர்களின் மொத்த எண்ணிக்கை 4488 ஆக அதிகரித்துள்ளது.
இதேவேளை, நாட்டில் கொவிட் 19 தொற்றிலிருந்து மேலும் 4 பேர் குணமடைந்துள்ளதாக தொற்று நோய் தடுப்பு பிரிவு குறிப்பிட்டுள்ளது.
இதற்கமைய நாட்டில் கொவிட் 19 தொற்றிலிருந்து குணமடைந்துள்ளவர்களின் எண்ணிக்கை 3 ஆயிரத்து 278 ஆக அதிகரித்துள்ளது.
ஆயிரத்து 197 பேர் தற்போது வைத்தியசாலைகளில் சிகிச்சை பெற்று வருகின்றனர்.
Print 
PDF