செவனகல சீனித் தொழிற்சாலை ஊழியர்கள் போராட்டத்தில்

செவனகல சீனித் தொழிற்சாலை ஊழியர்கள் இன்று (19) மாலை 2.00 மணி தொடக்கம் வேலைநிறுத்த போராட்டமொன்றை ஆரம்பிக்க தீர்மானித்துள்ளனர்.

தாம் முன்வைத்த கோரிக்கைகளுக்கு இதுவரையில் எவ்வித தீரமானமும் கிடைக்கவில்லை என்று கூறியே இவ்வூழியர்கள் போராட்டத்தை நடத்தவுள்ளனர்.

தொடர்ச்சியாக நடத்த தீர்மானித்துள்ள இப்போராட்டத்திற்கு சரியான தீர்வு கொடுக்க அரசாங்கம் தவறும் பட்சத்தில் ஏனைய தொழிற்சங்கங்களுடன் இணைந்து போராட்டம் நடத்தப்படும் என்று சீனித் தொழிற்சாலையின் வணிக கைத்தொழில் மற்றும் சேவை முன்னேற்ற சேவையாளர்கள் சங்கத்தின் பிரதிச் செயலாளர் லலித் ஶ்ரீபால் தெரிவித்துள்ளார்.