பணிப்புறக்கணிப்பில் ஈடுபடும் ஒப்பந்த அடிப்படை பணியாளர்களுக்கு ரயில்வே எச்சரிக்கை

இன்று பணிப்புறக்கணிப்பில் ஈடுபடும் ரயில்வேயின் ஒப்பந்த அடிப்படையில் பணியாற்றும் பணியாளர்களுக்கு பணிவிலக்கல் எச்சரிக்கை விடுக்கப்பட்டுள்ளது.

மாலபே தனியார் மருத்துவ கல்லூரிக்கு எதிர்ப்பு வெளியிட்டு, பல்வேறு தொழிற்சங்கங்களின் ஆதரவுடன் அரச மருத்துவ அதிகாரிகள் சங்கம் நாடாலாவியரீதியில் இன்று பணிப் புறக்கணிப்பில் ஈடுபட்டுள்ளது.

இந்த நிலையில், இன்று காலை 8 மணி முதல் நாளை காலை 8 மணிவரை 24 மணிநேர பணிப்புறக்கணிப்பை ரயில்வே சாரதிகள் மற்றும் பாதுகாவலர்கள் மேற்கொள்கின்றனர்.

இதனையடுத்து, இன்று பணிகளுக்கு வராத ஒப்பந்த அடிப்படையில் சேவையாற்றும் ரயில்வே சாரதிகள் மற்றும் பாதுகாவலர்கள் பணிகளில் இருந்து தாமாகவே விலகியதாக கருதப்படுவர் என ரயில்வே திணைக்களம் எச்சரிக்கை விடுத்துள்ளது.