பெருந்தோட்டத் தொழிலாளர் கௌரவிப்பு

பெருந்தோட்டத்துறையில் சிறப்பாக பணியாற்றிய 550 தொழிலாளர்களை கௌரவித்து பதக்கங்கள் வழங்கும் நிகழ்வு அண்மையில் ஹட்டன் பிரின்ஸ் மண்டபத்தில் நடைபெற்றது.

களனிவௌி கம்பனியில் கீழ் இயங்கும் 14 பெருந்தோட்டங்களில் நீண்டகாலம் சிறப்பாக பணியாற்றும் தொழிலாளர்களே இவ்வாறு கௌரவிக்கப்பட்டுள்ளனர்.

பெருந்தோட்ட தேயிலைத் தொழிற்றுறையை மேம்படுத்தும் நோக்கில் இவ்வாறு விருது வழங்கப்பட்டு கௌரவிக்கப்பட்டுள்ளது.

இக்கௌரவிக்கும் நிகழ்வின் போது 450 தொழிலாளர்களுக்கு பதக்கம் வழங்கப்பட்டதுடன் மேலும் 100 பேர் கௌரவிக்கப்பட்டுள்ளனர்.

இந்நிகழ்வில், களனிவௌி கம்பனியின் நிறைவேற்று அதிகாரி சரத் ஶ்ரீமான, முகாமைத்துவப் பணிப்பாளர் ரொஷான் ராஜதுரை, பொது முகாமையாளர் அனுர விஜயகோன், உட்பட பலர் கலந்துகொண்டனர்.