மினுவாங்கொடை கொத்தணியில் மேலும் 103 பேருக்கு கொரோனா

மினுவாங்கொடை பிரெண்டிக்ஸ் ஆடைத் தொழிற்சாலை கொத்தணியில் கொரோனா வைரஸ் தொற்றுக்குள்ளான மேலும் 103 பேர் அடையாளம் காணப்பட்டுள்ளனர்.

2 பேர் மினுவாங்கொடை ஆடைத் தொழிற்சாலை ஊழியர்களாவர். ஏனைய 101 பேர் ஆடைத்தொழிற்சாலை ஊழியர்களுடன் தொடர்புடையவர்களாவர என அரசாங்க தகவல் திணைக்களம் தெரிவித்துள்ளது.

இதற்கமைய, பிரெண்டிக்ஸ் ஆடைத் தொழிற்சாலை கொத்தணியில் இதுவரையில் கொரோனா தொற்று உறுதியானவர்களின் மொத்த எண்ணிக்கை 1,186 ஆக அதிகரித்துள்ளது.

இதற்கமைய, நாட்டில் இதுவரையில் கொரோனா தொற்று உறுதியானவர்களின் மொத்த எண்ணிக்கை 4,628 ஆக அதிகரித்துள்ளது.

3,306 பேர் குணமடைந்துள்ளனர்.

1,309 பேர் வைத்தியசாலைகளில் தொடர்ந்தும் சிகிச்சைப்பெற்று வருகின்றனர்.