ரயில் இயந்திர சாரதிகள் போராட்டம் கைவிடப்பட்டது

இன்று மாலை மேற்கொள்ளவிருந்த வேலைநிறுத்த போராட்ட  தீர்மானத்தை கைவிடப்போவதாக லோகோமோடிவ் இயந்திர சாரதிகள் சங்கம் அறிவித்துள்ளது.

இலங்கை ரயில்வே திணைக்கள பொது முகாமையாளர் எஸ்.எம். அபேவிக்கிரமவுடன் இன்று (24) காலை மேற்கொண்ட கலந்துரையாடலின் பின்னர் வேலைநிறுத்தப்போராட்டத்தை கைவிட தாம் தீர்மானித்துள்ளதாக அச்சங்கம் தெரிவித்துள்ளது.

வேலைநிறுத்தப்போராட்டத்தின் ஒரு கட்டமாக சில ரயில்சேவைகள் நேற்று இரவு ரத்து செய்யப்பட்டமை குறிப்பிடத்தக்கது.