நோர்வூட் ஆடைத்தொழிற்சாலையில் 200 ஊழியர்கள் திடீர் மயக்கம்

ஆடைத்தொழிற்சாலையில் கடமையிலிருந்த சுமார் 200 பெண் பணியாளர்கள் இன்று திடீரென மயக்கமுற்ற நிலையில் டிக்கோயா மாவட்ட வைத்தியசாலையில் அனுமதிக்கப்பட்டுள்ளனர்.

நோர்வூட் பொலிஸ் பிரிவிற்குட்பட்ட நிவ்வெளி பகுதியில் உள்ள தனியாருக்கு சொந்தமான ஆடைத்தொழிற்சாலையில் இன்று காலை 9.45 .மணியளவில் இச்சம்பவம் இடம்பெற்றுள்ளது.

ஆடைத்தொழிற்சாலையில் வழங்கப்பட்ட காலை உணவு ஒவ்வாமையினால் இவ்வாறு மயக்கம் ஏற்பட்டிருக்கலாம் என்று பொலிஸார் சந்தேகம் வெளியிட்டுள்ளனர்.

மயக்கமுற்று வைத்தியசாலையில் அனுமதிப்போரின் எண்ணிக்கை அதிகரித்து வருவதாக வைத்தியசாலை வட்டாரங்கள் தெரிவித்துள்ளன.