புற்றுநோயினால் பாதிக்கப்படும் அரச ஊழியர்களுக்கு சிகிச்சைக்கான சம்பளத்துடன் கூடிய 9 மாதத்திற்கு மேற்படாத விசேட விடுமுறை வழங்கும் வகையில் தாபனக்கோவையில் மாற்றங்களை ஏற்படுத்த அமைச்சரவை அனுமதி கிடைத்துள்ளதாக பொது நிருவாக அமைச்சின் செயலாளர் தெரிவித்துள்ளார்.
இவ்விடயம் தொடர்பாக பொது நிருவாக அமைச்சு இலக்கம் 23/ 2019 சுற்றுநிரூபத்தை வௌியிட்டுள்ளது. இதற்கமைய புற்றுநோய் பாதிப்புக்குட்பட்ட அரச ஊழியர்களுக்கு 6 மாதங்களுக்கு மேற்படாத வகையில், முழுச் சம்பளத்துடன் மருத்துவச் சான்றிதழின் அடிப்படைடையில் விசேட விடுமுறை வழங்கப்படும். மேலதிகமாக லீவு தேவைப்படுவதாக வைத்திய சபையின் பரிந்துரை இருப்பின் மேலும் 3 மாதங்கள் சம்பளத்துடன் கூடிய விடுமுறை வழங்கப்படும்.
இதுவரை புற்றுநோயினால் பாதிக்கப்பட்ட அரச ஊழியர்களுக்கு 6 மாதங்கள் மட்டுமே விடுமுறை வழங்கப்பட்டது. இதேபோல் காசநோய் மற்றும் தொழுநோய் என்பவற்றுக்கும் விசேட விடுமுறைகள் வழங்கப்படும் என்று விடேச விடுமுறை தாபனக்கோவையில் குறிப்படப்பட்டுள்ளமை குறிப்பிடத்தக்கது.
Print 
PDF