ஆசிரிய கல்வியியலாளர் சேவை – நிராகரிக்கப்பட்டவர் தொடர்பான கலந்துரையாடல்

இலங்கை ஆசிரிய கல்வியியலாளர் சேவை (SLTES) iii இற்கான போட்டிப்பரீட்சையில் சித்தி பெற்று முதலாவது நேர்முகத்தேர்வுக்கு அழைக்கப்பட்டு நிராகரிக்கப்பட்டவர்களின் வழக்குத் தாக்கல் தொடர்பான கலந்துரையாடல் இன்று (22) நடைபெறவுள்ளது.

யாழ், இந்துக்கல்லூரிக்கு முன்பாக உள்ள எடிசன் அக்கடமியில் காலை 9.00 மணிக்கு இக்கலந்துரையாடல் நடைபெறவுள்ளது.

போட்டிப்பரீட்சையில் சித்தியடைந்த விண்ணப்பதாரிகள் தொழிற்சார் பாடங்களுக்கு விண்ணப்பித்து முதலாவது நேர்முகப்பரீட்சையின் போது கல்வியியலில் முதல் பட்டம் இல்லை என்று காரணம் காட்டி இரண்டாம் நேர்முகத்தேர்வுக்கு அழைக்கப்படாமல் பாதிக்கப்பட்ட விண்ணப்பதாரிகள் தாக்கல் செய்துள்ள வழக்கு தொடர்பிலிலேயே இன்று கலந்துரையாடப்படவுள்ளது.

இலங்கை ஆசிரியர் சங்கப் பொதுச் செயலாளர் ஜோசப் ஸ்டாலின், கலந்துகொள்ளும் இக்கலந்துரையாடலில், பாதிக்கப்பட்ட அனைவரும் கலந்துகொண்டு இலங்கை ஆசிரியர் சங்கத்தினூடாக வழக்கு தாக்கல் செய்யுமாறு ஏற்பாட்டாளர்கள் கேட்டுக்கொண்டுள்ளனர்.