ஆயிரம் ரூபா சம்பளத்திற்கான ஒப்பந்தம் விரைவில்

பெருந்தோட்டத் தொழிலாளருக்கு நாளாந்த வேதனமாக ஆயிரம் ரூபா வழங்குவதற்கான உடன்படிக்கை விரைவில் கைச்சாத்திடப்படவுள்ளதாக பெருந்தோட்டத்துறை அமைச்சர் ரமேஷ் பத்திரன தெரிவித்துள்ளார்.

அரசாங்கத் திணைக்களத்தில் இன்று (06) நடைபெற்ற அமைச்சரவை தீர்மானங்களை அறிவிக்கும் ஊடகவியலாளர் சந்திப்பில் கருத்து தெரிவிக்கும் போதே அமைச்சர் இதனைத் தெரிவித்தார்.

இவ்விடயம் தொடர்பாக பெருந்தோட்ட நிறுவனங்களுடனான பேச்சுக்கள் இறுதிக்கட்டத்தை எட்டியுள்ளதாகவும் விரைவில் உடன்படிக்கை கைச்சாத்திடப்படும் என்றும் ரமேஷ் பத்திரன தெரிவித்துள்ளார்.