ஓய்வூதியம் பெற இன்று முதல் ஒன்லையில் பதியலாம்!

இன்று (08) இலங்கையில் கொண்டாடப்படும் தேசிய ஓய்வு தினத்தை முன்னிட்டு ஓன்லைன் முறையில் ஓய்வை பதிவு செய்யும் முறையை அறிமுகப்படுத்தவுள்ளதாக இலங்கை ஓய்வூதிய திணைக்களம் தெரிவித்துள்ளது.

‘மகிழ்வுடன் இளைப்பாறுங்கள்’ என்ற தொனிப்பொருளில் இன்று கொண்டாடப்படும் தேசிய ஓய்வு தினத்தில் புதிய ஓய்வூதிய வசதி அங்குரார்ப்பணம் செய்து வைக்கப்படவுள்ளது. www.pens/gov.lk என்ற இணையதள முகவரியில் பிரவேசித்து தமதுஓய்வை பதிவு செய்ய முடியும். அத்துடன் ஓய்வு பெற்றோருக்கான ரயில் பயண அனுமதி சீட்டும் ஒன்லைன் ஊடாக வழங்குவதற்கான வசதிகள் இன்று ஆரம்பிக்கப்படவுள்ளன.

இதேவேளை தேசிய ஓய்வூதிய தின நிகழ்வுகள் களனி, வெதமுல்ல அரச ஓய்வு விடுதியில் வெகு விமர்சியாக கொண்டாடப்படவுள்ளது. நாட்டின் 25 மாவட்டங்களையும் பிரதிநிதித்துவப்படுத்தும் வகையில் ஆயிரத்திற்கும் மேற்பட்ட ஓய்வு பெற்றோர் இந்நிகழ்வில் கலந்து சிறப்பிக்கவுள்ளனர்.

தற்போது இலங்கையில் ஐந்து இலட்சத்திற்கும் அதிகமானவர்கள் ஓய்வூதியம் பெற்றுள்ளனர் என்று ஓய்வூதிய திணைக்கள பணிப்பாளர் நாயகம் ஜகத் டயஸ் சுட்டிக்காட்டினார்.

வேலைத்தளம்