கம்பஹா – திவுலப்பிட்டியில் பெண் ஊழியர் ஒருவருக்கு கொரோனா

கம்பஹா – திவுலப்பிட்டி பிரதேசத்தைச்சேர்ந்த 39 வயதான பெண் ஒருவர் கொவிட் 19 தொற்று நோயாளர் என அடையாளம் காணப்பட்டு தற்போது அவர் IDH வைத்தியசாலையில் அனுமதிக்கப்பட்டுள்ளார்.

இதுதொடர்பாக அரசாங்க தகவல் திணைக்கள பணிப்பாளர் நாயகம் நாலக கலுவெவ வெளியிட்டுள்ள ஊடக அறிக்கையில் ,இந்தப் பெண் காய்ச்சல் நோயின் காரணமாக கம்பஹா வைத்திய சாலையில் அனுமதிக்கப்பட்டதுடன் அங்கிருந்து நோய் குணமடைந்த பின்னர் வீட்டுக்கு அனுப்பப்பட்டபோது மேற்கொள்ளப்பட்ட PCR பரிசோதனையில் இவர் கொவிட் 19 தொற்று நோயாளர் என அடையாளங்காணப்பட்டுள்ளார்.

இதற்கமைவாக கம்பஹா வைத்திய சாலை பணியாளர்கள் சுமார் 15 பேரும் இந்தப் பெண் பணிபுரிந்த தனியார் நிறுவனத்தைச் சேர்நத சுமார் 40 பேரும் வீடுகளில் தனிமைப்படுத்தப்பட்டுள்ளனர். மேலும் இந்தப்பகுதியில் அயலவர்கள் அடையாளங்காணப்பட்டுள்ளதுடன் இந்தப் பெண்ணுக்கு கொவிட் 19 ஏற்பட்ட முறை தொடர்பில் விசாரணைகள் மேற்கொள்ளப்பட்டுவருகிறது.

இந்தப்பகுதியில் அயலவர்கள் தொடர்பில் மேற்கொள்ளப்படும் PCR பரிசோதனை பெறுபேறுகளுக்கு அமைவாக தேவையான மேலதிக நடவடிக்கைகள் மேற்கொள்ளப்படும்.

இந்த வேளையில் பொது மக்கள் மிகவும் அவதானத்துடன் சுகாதார பாதுகாப்பு நடைமுறைகளை கடைபிடிக்க வேண்டும் என்று சுகாதார பிரிவினர் அறிவுறுத்தியுள்ளனர் என்று மேலும் தெரிவிக்கப்பட்டுள்ளது.