கொவிட்-19 அபாயத்தில் ஊழியர்களின் நலன்கருதிய முக்கிய தீர்மானங்கள்

கொவிட்-19 தொற்றுநோய் காரணமாக தொழிற்சாலை தொழிலாளர்களின் வேலைவாய்ப்புக்கு ஏற்பட்ட ஆபத்து நிலை நீங்கியுள்ளது என சுதந்திர வர்த்தக வலய மற்றும் பொது சேவைகள் சங்கத்தின் இணைச் செயலாளர் என்டன் மார்கஸ் கூறுகிறார்.

இதுகுறித்த எமது சகோதர இணையதளத்திற்கு என்டன் மார்கஸ் கருத்து தெரிவிக்கையில்,

ஆடைத் தொழிற்சாலைகளில் தொழிலாளர்களுக்கு வேதனம் செலுத்த முடியாத நிலை உள்ளதால், பலரை பணிநீக்கம் செய்யப்பட வேண்டியேற்படுவதாக தொழில்தருநர்களினால் முன்னதாக பல தடவைகள் தெரிவிக்கப்பட்டன.

இந்தப் பின்னணியில், தொழில் அமைச்சரால் நியமிக்கப்பட்ட முத்தரப்பு பணிக்குழு எந்தவொரு ஊழியர்களையும் சம்பளப் பதிவேட்டில் இருந்து நீக்கக் கூடாது என்று ஒப்புக் கொண்டதாகவும், அதாவது எந்த ஊழியரையும் பணிநீக்கம் செய்யக்கூடாது என்பதே அதன் அர்த்தம் என்றும் என்டன் மார்கஸ் சுட்டிக்காட்டினார்.

செயலணியின் இணக்கப்பாட்டை மே 11 ஆம் திகதி கூடிய தேசிய தொழிலாளர் ஆலோசனைக் குழு ஏற்றுக்கொண்டதுடன், தற்போது நடைமுறையில் உள்ளதாகவும் அவர் கூறினார்.

கொவிட்-19 தொற்றுநோயால் தொழில்களைப் பாதிக்கும் பிரச்சினைகள் குறித்து விவாதிக்க தொழி் அமைச்சர் முத்தரப்பு சிறப்பு செயலணியை நிறுவியுள்ளார்.
கொவிட்-19 தாக்கம் தொழிலாளர்கள் மற்றும் தொழில்களை எவ்வாறு பாதிக்கும் என்பது குறித்து இதில் கவனம் செலுத்தப்பட்டது.

செயலணி இதுவரையில் ஆறு கூட்டங்களை நடத்தியுள்ளது. கடந்த கூட்டத்தில், ஊரடங்கு உத்தரவு நீக்குதல் மற்றும் தொழில்களை மீண்டும் தொடங்குவது குறித்து ஆராயபபட்டது. அரசாங்கத்தின் தரப்பில் ஒரு நிபந்தனை விதிக்கப்பட்டுள்ளது. அதாவது 30% ஊழியர்களை மட்டுமே இணைத்துக் கொள்ள வேண்டும். இதன்போது 1/3 தொழில்கள் தொடங்கப்பட்டுள்ளன என்று தொழிலதிபர்கள் சுட்டிக்காட்டுகின்றனர். சுதந்திர வர்த்தக வலய பிரதிநிதியின் கூற்றுப்படி, 244 தொழிற்சாலைகள் ஏற்கனவே திறக்கப்பட்டுள்ளன. சுமார் ஒரு இலட்சத்து 13 ஆயிரம் தொழிலாளர்களில், சுமார் 58,000 ஊழியர்கள் வரவழைக்கப்பட்டுள்ளனர். அதாவது மூன்றில் ஒரு பங்கு என்று அழைக்கப்படுகிறது.

ஆரம்பத்தில் இருந்து, ஒரு தொழிற்சங்கமாக, ஊழியர்களின் தரப்பில் எங்களுக்கு மூன்று முக்கிய விடயங்கள் இருந்தன.

01. ஊழியர்களின் சுகாதார பாதுகாப்பு
02. தொழில் பாதுகாப்பு
03. வருமானத்தை உறுதி செய்தல்

இவை குறித்து கலந்துரையாடப்பட்டது. முன்னதாக 5 இலட்சம் தொழிலாளர்களில் 3 இலட்சம் வரை நீக்கப்பட வேண்டும் என்று ஆடைத் தொழில் உரிமையாளர்கள் பகிரங்கமாகக் கூறியிருந்தனர். சுதந்திர வர்த்தக வலயத்தில் பதிவுசெய்யப்பட்ட நிறுவனங்களில் ஏற்றுமதி துறையில் பதிவு செய்யப்பட்ட சுமார் ஒரு மில்லியன் ஊழியர்கள் பணிபுரிகின்றனர். அவர்களுககும் ஏற்புடையதாக 60% வேலை இழப்பை ஏற்படுத்தும் என்று தொழிலதிபர்கள் கூறினர். இந்த சூழலில், நாங்கள் தொழில் பாதுகாப்பில் கவனம் செலுத்தினோம். எந்தவொரு தொழிற்சாலை சம்பள பதிவிலிருந்தும் எந்த ஊழியரையும் நீக்கக்கூடாது என்பதே எங்கள் ஆரம்ப கோரிக்கை. அரசாங்கமும் இதேபோன்ற நிலையில் இருப்பதாக தொழில் அமைச்சர் கூறினார். எந்த ஊழியரையும் பணிநீக்கம் செய்யக்கூடாது என்பது அந்த நிலைப்பாட்டின் அர்த்தமாகும்.
தொழிலில் ஈடுபடும் ஊழியர்களுக்கு கட்டாய சம்பளம் மற்றும் கொடுப்பனவுகள் வழங்கப்பட வேண்டும். அப்போது அந்த சம்பளத்தை தொழிலில் ஈடுபடாதவர்களுக்கு வழங்குவது நியாயமா என்ற கேள்வி எழுந்தது.

இது குறித்த ஊழியர்களின் கேள்வியை முதலாளிகளே சுட்டிக்காட்டுகின்றனர். தாங்கள் தொழிலுக்கு வந்து பெறும் சம்பளத்தை வராமலேயே பெறுவதென்றால், தாங்கள் ஏன் வேலைக்கு வர வேண்டும் என்று சில ஊழியர்கள் கேட்பதாக அவர்கள் கூறினார்கள். நாங்கள் அதைப் பற்றி நீண்ட விவாதம் செய்தோம். வேலை செய்யாதவர்களின் சம்பளம் என்ன? முதலாளிகள் முதலில் ரூ .10,000 குறைந்தபட்ச ஊதியத்தை முன்மொழிந்தனர். நாங்கள் இந்த முன்மொழிவுக்கு உடன்படவில்லை. பின்னர், முதலாளியின் பக்கத்தில், இது 13,500 ஆக உயர்த்தப்பட்டது. நாங்கள் ஒப்புக்கொள்ளவில்லை (பட்ஜெட் சலுகைகள் உட்பட). நாங்கள் அடிப்படையில் குறைந்தபட்சம் ரூ .20,000 சம்பளம் கேட்டோம். ஆனால் முதலாளிகள் இதை எதிர்த்தனர், இறுதியில் 30% ஊழியர்களை நியமிக்க வேண்டுமென்றால், மீதமுள்ளவர்களை சுழற்சியின்படி சேவைக்கு அழைக்க வேண்டும் என்று ஒப்புக்கொண்டனர். ஒவ்வொரு ஊழியருக்கும் அங்கு சேவை செய்வதற்கான வாய்ப்பை வழங்குதல். அதாவது, சுழற்சியில் உள்ள ஒவ்வொரு ஊழியரும். அவர்கள் சேவையின் காலத்திற்கு அவர்களின் சம்பளம் மற்றும் கொடுப்பனவுகளை வழங்க வேண்டும்.

இதையடுத்து வெளிவந்த விடயம் என்னவென்றால், தொழிலில் ஈடுபடாதவர்களுக்கு ரூ.14,500 அல்லது அவர்கள் அடிப்படை சம்பளத்தில் 50%ற்கும் கூடியதை வழங்குவது குறித்து ஆராயப்பட்டது. சேவைக்கு அழைக்கப்படும் காலத்தில் உரிய வேதனம் மற்றும் கொடுப்பனவு வழங்கப்படும். அழைக்கப்படாத காலத்தில் மேற்குறிப்பிட்ட இரண்டு பகுதிகளில் பெரும்பாலானவை கூடியது கிடைக்கும்.

உதாரணமாக, ஒரு ஊழியர் மாதத்திற்கு இரண்டு வாரங்கள் என்று சேவைக்கு அழைக்கப்பட்டால், அவர்கள் அந்த இரண்டு வாரங்களுக்கான சம்பளம் மற்றும் கொடுப்பனவைப் பெறுகிறார்கள். மீதமுள்ள இரண்டு வாரங்களுக்கு தொழிலுக்கு அழைக்கப்பாத காலத்தில் ரூ .14,500 ல் 50% அல்லது சம்பாதித்த சம்பளம் ரூ14,500 ஐ விட அதிகமாக இருந்தால், அந்த கூடிய தாகையின் 50% வழங்கப்படும் அது 2020 மே மற்றும் ஜூன் மாதங்களுக்கு மட்டுமே, ஏனென்றால், இந்த காலங்களில்தான் சம்பளம் கொடுக்க முடியாது என்று முதலாளிகள் கூறியுள்ளனர்.

கொவிட்19 தொற்றுநோய் காரணமாக எந்தவொரு தொழிலாளர்களையும் பணிநீக்கம் செய்யக்கூடாது என்பது இந்த இணக்கப்பட்டினால் உறுதி செய்யப்பட்டது. செயலணியின் முன்மொழிவு மே 11 அன்று தேசிய தொழிலாளர் ஆலோசனைக் குழுவில் தெரிவிக்கப்பட்டது. நீண்ட விவாதத்திற்குப் பிறகு, தேசிய தொழிலாளர் ஆலோசனைக் குழு அதற்கு ஒப்புதல் அளித்தது. “

வேலைத்தளம்