சர்வதேச விமானநிலையம் செல்வோர் கவனத்திற்கு

பயணிகள் தவிர வௌிநபர்கள் பண்டாரநாயக்க சர்வதேச விமானநிலையத்தினுல் செல்வதற்கு தடைவிதிக்கப்பட்டுள்ளது.

வேகமாக பரவி வரும் கொரோனா வைரஸ் தொற்று காரணமாக பாதுகாப்புக் கருதி இத்தடை விதிக்கப்பட்டுள்ளது.

சீனாவில் இருந்து இலங்கை வந்த அந்நாட்டுப் பெண்ணொருவருக்கு கொரோனா வைரஸ் தொற்று இருப்பது உறுதி செய்யப்பட்டதையடுத்து இன்று (28) தொடக்கம் மறு அறிவித்தல் வரை இத்தடை விதிக்கப்பட்டுள்ளது.

இதேவேளை, சீனாவில் இருந்து இலங்கை வரும் சுற்றுலாபயணிகளில்வருகை வீஸா உள்ளவர்கள் நாட்டுக்குள் நுழைய தடை விதிக்கப்பட்டுள்ளதாக சுகாதார அமைச்சர் பவித்ரா வன்னியாராய்ச்சி தெரிவித்துள்ளார்.

நேற்று (27) இரவு பண்டாரநாயக்க விமானநிலையத்தை பார்வையிட சென்ற அமைச்சர் இதனை தெரிவித்துள்ளார்.