சுகாதார தொண்டர்கள் 11வது நாளாக போராட்டம்

நிரந்தர நியமனம் வழங்குமாறு கோரி வவுனியா சுகாதார தொண்டர்கள் முன்னெடுத்துள்ள கவனயீர்ப்பு போராட்டம் 11வது நாளாக இன்றும் தொடர்கின்றது.

வவுனியா சுகாதார வைத்திய அதிகாரி பணிமனைக்கு முன்பாக போராட்டத்தில் ஈடுபட்டுள்ள சுகாதார தொண்டர்கள், தமக்கு நிரந்தர நியமனம் வழங்கப்படும் வரை போராட்டத்தை கைவிடப் போவதில்லையென குறிப்பிட்டுள்ளனர்.

இந்நிலையில் அவர்கள் தங்கள் போராட்டத்தை தொடங்கி இன்றோடு 11வது நாளாகவும் நீடித்து செல்கிறது.