தொழில்கோரும் பட்டதாரிகள் நாடாளவிய ரீதியில் எதிர்ப்பு நடவடிக்கை

அனைத்து தொழில்கோரும் பட்டதாரிகளுக்கும் உடனடியாக தொழில்வாய்ப்பை வழங்குமாறு வலியுறுத்தி நேற்று (16) முதல் நாடு முழுவதும் எதிர்ப்பு நடவடிக்கைகளை மேற்கொள்ள உள்ளதாக ஒன்றிணைந்த தொழில் கோரும் சங்கம் அறிவித்துள்ளது.

தொழில்கோரும் பட்டதாரிகளின் பிரச்சினைகளுக்கு தீர்வு வழங்க அரசாங்ம் இதுவரை எவ்வித நடவடிக்கையையும் மேற்கொள்ளவில்லை என ஒன்றிணைந்த தொழில் கோரும் சங்கத்தின் ஒருங்கிணைப்பாளர் தென்னே ஞானாநந்த தேரர் குற்றம் சுமத்தியுள்ளார்.

யாழ்ப்பாணம், வவுனியா, திருகோணமலை, மட்டக்களப்பு, அம்பாறை, அநுராதபுரம், கண்டி, குருநாகல், இரத்தினபுரி, கேகாலை, காலி, களுத்துறை மற்றும் மாத்தறை மாவட்டங்களில் இன்று முதற்கட்ட எதிர்ப்பு போராட்டத்தை ஆரம்பிக்க உள்ளதாகவும் அவர் தெரிவித்துள்ளார்.