பணியாளர்களினால் நிபந்தனை அடிப்படையில் சிறைப்பிடித்து வைக்கப்பட்டிருந்த நுகர்வோர் சேவை அதிகார சபையின் தலைவர், பணிப்பாளர் நாயகம் உள்ளிட்ட அதிகாரிகள் நேற்றிரவு (08) விடுவிக்கப்பட்டனர்.
அதிகார சபையின் மனித வளங்கள் பிரிவின் பிரதானியை பதவிநீக்குமாறு வலியுறுத்தி நேற்று மாலை பணியாளர்களினால் குறித்த அதிகாரிகள் சிறைப்பிடிக்கப்பட்டனர்.
மனித வளங்கள் பிரிவின் பிரதானி தொடர்பில் விசாரணைகள் நடத்தப்படுவதாகவும், பதவிநீக்கம் செய்து வெளியேற்றுவதாகவும் பல்வேறு சந்தர்ப்பங்களில் அறிவிக்கப்பட்டபோதும், அது நிறைவேற்றப்படாததையடுத்தே பணியாளர்களின் குறித்த நடவடிக்கை மேற்கொள்ளப்பட்டுள்ளது.
இந்த நிலையில், அவரை நீக்குவதாக தலைவர் உள்ளிட்ட அதிகாரிகள் குழாம் வழங்கிய வாக்குறுதியை அடுத்து, நேற்றிரவு அவர்கள் விடுவிக்கப்பட்டனர்.
Print 
PDF