அரச மற்றும் தனியார் பாடசாலைகளை பரிசோதனை செய்வதற்கு 150 தொடக்கம் 200 அதிகாரிகளை இணைத்துக்கொள்வதற்கு முகாமைத்துவ சேவைகள் திணைக்களம் அனுமதி வழங்கியுள்ளது என்று கல்வியமைச்சு தெரிவித்துள்ளது.
முப்பது வருடங்களுக்கு முன்னர் இல்லாமலாக்கப்பட்ட பாடசாலை பரிசோதகர் முறைமை மீண்டும் அறிமுகப்படுத்த நடவடிக்கையினூடாகவே இந்நியமனங்கள் வழங்கப்படவுள்ளன.
பாடசாலை மேற்பார்வை, பரிசோதனை நடவடிக்கைகள் என்பன மந்தகதிக்கு சென்றுள்ளமையினால் பரிசோதகர்களை நியமித்து அதனூடாக பாடசாலைகளை செயற்றிறன் உடையதாக மாற்ற எதிர்பார்த்துள்ளதாக கல்வியமைச்சு தெரிவித்துள்ளது.
வலயக் கல்வி அலுவலகம் மற்றும் கோட்டக் கல்வி அலுவலக அதிகாரிகள் பாடசாலை பரிசோதனையில் ஈடுபடுவது தற்போது அருகி வருவதாகவும் இதுவே பாடசாலைகளின் தரம் குறைவதற்கான காரணம் என்றும் அமைச்சு சுட்டிக்காட்டியுள்ளது.
Print 
PDF