மீண்டும் 24 மணி நேர அடையாள பணிப்புறக்கணிப்பு

தொடரூந்து தொழிற்சங்க ஒன்றிணைந்த கூட்டமைப்பு 24 மணித்தியால அடையாள பணிப்புறக்கணிப்பை ஆரம்பித்துள்ளது.

முன்னர் பணிப்புறக்கணிப்பில் ஈடுபட்டிருந்த தொழிற்சங்கங்களுடன் அரசாங்கம் இணங்கிய, உள்ளக சேவையாளர்களின் பதவி உயர்வை தடை செய்வதற்கு எதிர்ப்பு தெரிவித்தே இந்தப் பணிப்புறக்கணிப்பு ஆரம்பிக்கப்பட்டுள்ளதாக தெரிவிக்கப்பட்டுள்ளது.

கொழும்பில் இன்று இடம்பெற்ற ஊடக சந்திப்பில் தொடரூந்து தொழிற்சங்க ஒன்றிணைந்த கூட்டமைப்பின் செயலாளர் சம்பத் ராஜித இதனைத் தெரிவித்துள்ளார்.

தொழில்நுட்ப பணியாளர்கள, தொழில்நுட்ப உதவியாளர்கள், மற்றும் ஏனைய சில பணியாளர்களும் இந்த பணிப்புறக்கணிப்பில் ஈடுபட்டுள்ளதாக அவர் கூறியுள்ளார்.

பணிப்புறக்கணிப்பில் ஈடுபட்டுள்ள தொழிற்சங்கத்தினருடன், பேச்சுவார்த்தை நடத்த உள்ளதாக, முன்னர் பணிப்புறக்கணிப்பில் ஈடுபட்ட தொடரூந்து இயந்திர சாரதிகள் சங்கத்தின் செயலாளர் இந்திக தொடாங்கொட தெரிவித்துள்ளார்.