வீடுகளுக்குச் சென்று பொருட்களை வழங்கும் கூட்டுறவுத் திணைக்களம்

அத்தியவசிய பொருட்கள் அடங்கிய பொதிகளை பொது மக்களுக்கு வீடுகளுக்குச் சென்று வழங்கும் நடவடிக்கை இன்று (25) மேல்மாகாணத்தில் ஆரம்பமாகியுள்ளதாக கூட்டுறவுத் திணைக்களம் அறிவித்துள்ளது.

“நாம் வரும் வரை காத்திருங்கள்” என்ற பெயரில் ஆரம்மாகியுள்ள இத்திட்டத்தினூடாக 500, 1000 ரூபா பொதிகள் மக்களுக்கு வழங்கப்படுகிறது.

தொலைபேசி அழைப்பினூடாக தெரியப்படுத்துவதனூடாக இப்பொதிகளை பெற்றுக்கொள்ள முடியும்.

மேல் மாகாணத்திலுள்ள 38 பல்நோக்கு கூட்டுறவுச் சங்கங்களினூடாக இத்திட்டம் முன்னெடுக்கப்படுவதாக மேல் மாகாண ஆணையாளர் ருவனி விஜேவிகம தெரிவித்துள்ளார்.