வெளிநாடுகளில் சிக்கியுள்ள இலங்கையர்களை அழைப்பது அடுத்தவாரம் முதல் மீள ஆரம்பம்

வௌிநாடுகளில் உள்ள இலங்கையர்களை நாட்டுக்கு அழைக்கும் நடவடிக்கை அடுத்த வாரம் முதல் மீள ஆரம்பிக்கப்படவுள்ளதாக இராணுவத் தளபதி லெப்டினன் ஜெனரல் ஷவேந்திர சில்வா தெரிவித்துள்ளார்.

இது தொடர்பில் மேலும் தெரிவித்துள்ள அவர்,

கடந்த ஒக்டோபர் மாதம் 04 ஆம் திகதி முதல் இந்த நடவடிக்கையில் தாமதம் ஏற்பட்டிருந்தது.

எனினும் அத்தியாவசியமான தரப்பினர் நாட்டுக்கு அழைத்துவரப்பட்டனர்.

இந்த நிலையில், அடுத்த வாரம் முதல் முறையான திட்டத்திற்கு அமைய வௌிநாடுகளில் சிக்கியுள்ள இலங்கையர்களை கட்டம் கட்டமாக நாட்டுக்கு அழைத்து வரும் நடவடிக்கை முன்னெடுக்கப்படவுள்ளதாக இராணுவத் தளபதி கூறியுள்ளார்.