ஶ்ரீலங்கன் எயார்லைன்ஸின் விமானசேவை இடைநிறுத்தம் இம்மாதம் 30ம் திகதி வரை நீடிக்கப்பட்டுள்ளதாக அறிவிக்கப்பட்டுள்ளது.
கொவிட் 19 வைரஸ் தொற்று காரணமாக ஶ்ரீலங்கன் விமானசேவை கடந்த மாத நடுப்பகுதியில் இடைநிறுத்தப்பட்டது. எனினும் சரக்கு விமான சேவை தொடர்ச்சியான நடைபெற்று வருவதுடன் விசேட தேவைகளுக்கேற்ப விமான சேவைகள் நடைபெற்று வரும் நிலையில் பயணிகள் போக்குவரத்து எதிர்வரும் 30ம் திகதி வரை இடைநிறுத்தப்பட்டுள்ளதாக ஶ்ரீலங்கன் எயார்லைன்ஸ் அறிவித்துள்ளது.
மேலதிக விபரங்களுக்கு போக்குவரத்து முகவர் மற்றும் அருகிலுள்ள ஶ்ரீலங்கன் எயார்லைன்ஸ் அலுவலகம் அல்லது சர்வதேச தொடர்பு நிலையத்துடன் +94117771979 என்ற இலக்கத்துடன் தொடர்புகொண்டு பெற்றுக்கொள்ள முடியும் என்று ஶ்ரீலங்கன் எயார்லைன்ஸ் அறிவித்துள்ளது.
Print 
PDF