பல்கலைக்கழக கல்விசாரா ஊழியர்கள் போராட்டத்தில்

சம்பள பிரச்சினை உட்பட பல கோரிக்கைளை முன்வைத்து பல்கலைக்கழக கல்விசாரா ஊழியர்கள் நாடு தழுவிய ரீதியில் போராட்டத்தை மேற்கொள்ள தீர்மானித்துள்ளனர்.

அதற்கமைய நாளை (18) நாட்டில் உள்ள அனைத்து பல்கலைக்கழக மற்றும் பல்கலைக்கழக மாணியங்கள் ஆணைக்குழு சார்ந்த அனைத்து நிறுவனங்களில் பணியாற்றும் அனைத்து தரங்களையும் சேர்ந்த கல்விசாரா ஊழியர்கள் உணவு நேரத்தில் எதிர்ப்பு நடவடிக்கையை மேற்கொள்ள தீர்மானித்துள்ளனர்.

பல்கலைக்கழக தொழில்நுட்ப அதிகாரிகளின் சங்கம், எழுதுவினைஞர் மற்றும் கைத்தொழில் சேவை பிரிவு, நூலகம் மற்றும் தகவல் தொழில்நுட்ப உதவி அதிகாரிகள் சங்கம், ஆய்வுகூட உதவியாளர் சங்கம், தேசிய ஊழியர் சங்கம், சுதந்திர தொழிலாளர் சங்கம் உட்பட பல சங்கங்கள் இப்போராட்டத்தில் கலந்துகொள்ளவுள்ளன என்று பல்கலைக்கழக தொழில்நுட்ப அதிகாரிகளின் சங்கத்தின் தலைவர் மங்கள தாபரே தெரிவித்துள்ளார்