மத்திய மாகாணசபைக்கு முன்பாக வேலையற்ற பட்டதாரிகள் போராட்டம்

ஆசிரியர் போட்டிப்பரீட்சையில் சித்தியடைந்தும் இதுவரை நியமனம் கிடைக்காத பட்டதாரிகளை ஆசிரியர் வெற்றிடங்களில் இணைக்குமாறு கோரி மத்திய மாகாணசபைக்கு முன்பாக இன்று (05) ஆர்ப்பட்டமொன்றை மேற்கொள்ள ஒன்றிணைந்த வேலையற்ற பட்டதாரிகள் சங்கம் தீர்மானித்துள்ளது.

பாடசாலை தொகுதியில் தற்போது பாரிய ஆசிரியர் பற்றாக்குறை காணப்படுவதாக ஒன்றிணைந்த வேலையற்ற பட்டதாரிகள் சங்கத்தின் அழைப்பாளர் சங்கைக்குரிய பூஜ்யதென்னே ஞானானந்த தேரர் குறித்த எதிர்ப்பு ஆர்ப்பாட்டம் தொடர்பில் கருத்து வௌியிட்டுள்ளார்.

பெரும் எண்ணிக்கையான வேலையில்லா பட்டதாரிகள் தற்போது தொழிலுக்காக ஏங்கி வரும் நிலையில் ஆசிரியர் சேவையில் நிலவும் வெற்றிடங்களுக்கு அவர்களை இணைக்குமாறு அரசாங்கத்தை வலியுறுத்தி இப்போராட்டம் செய்யப்படுவதாக அவர் மேலும் தெரிவித்தார்.