அரசாங்கத்தினால் விடுமுறை வழங்கப்பட்டுள்ள சந்தர்ப்பத்தில் திறக்கப்பட்டுள்ள தனியார் நிறுவனங்களுக்காக சுகாதார பாதுகாப்பு அதிகாரி ஒருவரை நியமிக்க வே;ணடும் என தொழில் மற்றும் தொழிற்சங்க உறவுகள் அமைச்சு தெரிவித்துள்ளது.
இது தொடர்பான ஆலோசனைகள் அடங்கிய கோவை தனியார் நிறுவனங்களுக்கு தற்போது அனுப்பிவைக்கப்பட்டுள்ளதாக அமைச்சின் செயலாளர் சரத் அபேகுணவர்தன தெரிவித்துள்ளார்.
தனியார் நிறுவனங்களை தொற்று நீக்கத்துக்கு உள்ளாக்குதல் மற்றும் பணியாளர்கள் முகக் கவசங்களை அணிதல் என்பன அந்த ஆலோசனைகளில் முக்கியமானவையாகும்.
இந்த நிலையில், குறித்த ஆலோசனையை நடைமுறைப்படுத்தாத தனியார் நிறுவனங்களுக்கு எதிராக மாவட்ட தொழில் ஆணையாளர் ஊடாக சட்டத்தை நடைமுறைப்படுத்துவதாக தொழில் மற்றும் தொழிற்சங்க உறவுகள் அமைச்சு தெரிவித்துள்ளது.
Print 
PDF