தமது கோரிக்கைகள் நிறைவேற்றப்படும் என உறுதி கடிதம் கிடைக்கப்பெற்றதை அடுத்து கொழும்பு மத்திய தபால் பரிமாற்ற சேவையாளர்கள் முன்னெடுத்த பணிப்புறக்கணிப்பு போராட்டம் கைவிடப்பட்டுள்ளதாக இலங்கை தபால் சேவை சங்கத்தின் தலைவர் ஜகத் மகிந்த தெரிவித்துள்ளார்.
தபால்மூல வாக்கு ஆவண விநியோக முறைமை மாற்றத்திற்கு எதிராக கொழும்பு மத்திய தபால் பரிமாற்றத்தின் சேவையாளர்கள் நேற்று நள்ளிரவு முதல் பணிப்புறக்கணிப்பில் ஈடுப்பட்டு வந்தனர்.
தபால்மூல வாக்கு ஆவண விநியோகம் மற்றும் அதனுடன் தொடர்புடைய நடவடிக்கைகள் இதற்கு முன்னர் கொழும்பு மத்திய தபால் பரிமாற்றகத்தின் ஊடாக முன்னெடுக்கப்பட்டுள்ளது.
இந்த நிலையில், தற்போது அது வேறு இடத்திற்கு மாற்றப்பட்டமைக்கு எதிர்ப்பு தெரிவித்து குறித்த சேவையாளர்கள் பணிப்புறக்கணிப்பில் ஈடுப்பட்டுவந்தமை குறிப்பிடத்தக்கது.
Print 
PDF