இலங்கையில் நேற்று 22 பேருக்கு கொவிட்-19 தொற்று உறுதியானது.
அவர்களில் 21 பேர் மத்திய கிழக்கில் இருந்து நாடுதிரும்பியவர்களாவர்.
ஐக்கிய அரபு இராச்சியத்தில் இருந்து நாடு திரும்பிய நிலையில், தனிமைப்படுத்தப்பட்டிருந்த 7 பேருக்கு இறுதியாக கொவிட்-19 தொற்று உறுதியானது.
சவுதி அரேபியாவில் இருந்து நாடு திரும்பிய நிலையில், தனிமைப்படுத்தப்பட்டிருந்த 14 பேருக்கும் நேற்று கொவிட்-19 தொற்று உறுதியானது.
அத்துடன், கந்தக்காடு புனர்வாழ்வு மையத்தில் தொற்றுறுதியான ஒருவருடன் தொடர்பை பேணியிருந்த நுரைச்சோலை தனிமைப்படுத்தல் நிலையத்தை சேர்ந்த ஒருவருக்கும் தொற்றுறுதியானது.
இதற்கமைய, நாட்டில் இதுவரையில் கொவிட்-19 தொற்று உறுதியானவர்களின் மொத்த எண்ணிக்கை 2 ஆயிரத்து 752 ஆக உயர்வடைந்துள்ளது.
2 ஆயிரத்து 64 பேர் பூரண குணமடைந்து வைத்தியசாலைகளில் இருந்து வீடு திரும்பியுள்ள நிலையில், 677 பேர் சிகிச்சை பெறுகின்றனர்.
11 பேர் உயிரிழந்துள்ளமை குறிப்பிடத்தக்கது.
Print 
PDF