கடந்த 9 மாதங்களில் வௌிநாட்டில் பணியாற்றி 334 இலங்கையர் மரணம்

கடந்த 9 மாதங்களில் மட்டும் வௌிநாடுகளில் பணியாற்றும் 334 இலங்கையர்கள் உயிரிழந்துள்ளனர் என்று வௌிநாட்டு அலுவல்கள் அமைச்சு அறிவித்துள்ளது.

இவ்விடயம் தொடர்பான அறிக்கை நேற்று (04) பாராளுமன்றில் சமர்ப்பிக்கப்பட்டது.

229 ஆண்களும் 105 பெண்களுமாக 334 பேர் கடந்த 9 மாதங்களில் உயிரிழந்துள்ளனர். இவர்களில் 52 பேர் காணாமல் போயுள்ளனர். 22 பேர் தற்கொலை செய்துகொண்டுள்ளனர். மேலும் 9 பேர் தாக்குதல்களுக்குள்ளாகியும் 247 பேர் சுகயீனமுற்றும் உயிரிழந்துள்ளனர் என்று அவ்வறிக்கையில் குறிப்பிடப்பட்டுள்ளது.

இவர்களுடைய இறப்பை உறுதிபடுத்துவதுடன் உரிய பிரிவினூடாக குடும்பத்தினருக்கு நட்டஈடு வழங்கவும் வௌிநாட்டு வேலைவாய்ப்புப் பணியகம் நடவடிக்கை எடுத்துள்ளதாகவும் அவ்வறிக்கையில் குறிப்பிடப்பட்டுள்ளது.