குவைத் சர்வதேச விமான நிலையம் மீண்டும் 24 மணிநேரமும் திறப்பு

குவைத் சர்வதேச விமான நிலையம் மீண்டும் 24 மணிநேரமும் திறந்திருப்பதாக அந்த நாட்டு அரசாங்கத்தினால் அறிவிக்கப்பட்டுள்ளது.

இதற்கமைய கடந்த 17ஆம் திகதி முதல் 24 மணிநேரமும் விமான நிலையம் திறந்திருப்பதாக குவைத் விமான சேவைகள் அதிகார சபை தெரிவித்துள்ளது.

கொரோனா பரவல் காரணமாக குவைத் விமான நிலையம் கடந்த 06 மாதங்களாக முழுமையாக மூடப்பட்டிருந்தது.

இவ்வாறான நிலையில், விமான நிலையம் 24 மணிநேரமும் திறந்திருப்பதனால், அந்த நாட்டில் உள்ளவர்களிடம் தங்களின் தாய் நாடுகளுக்கு செல்வதற்கான எதிர்பார்ப்பு ஏற்பட்டுள்ளதாக தெரிவிக்கப்பட்டுள்ளது.