கொரியா செல்ல வேண்டுமா?

கொரிய மொழி நிபுணத்துவ பரீட்சைக்கான விண்ணப்பங்கள் தற்போது ஏற்றுக்கொள்ளப்படுவதாக இலங்கை வேலைவாய்ப்புப் பணியகம் அறிவித்துள்ளது.

விண்ணப்பங்களை அனுப்ப விரும்புவோர் நாடு முழுவதும் உள்ள இலங்கை வெளிநாட்டு வேலைவாய்ப்புப் பணியகத்தின் 18 மத்திய நிலையங்களில் விண்ணப்பங்களை பெற்றுக்கொள்ள முடியும். விண்ணப்பம் விநியோகிக்க ஆரம்பித்த தினத்தன்று மட்டும் சுமார் ஐந்தாயிரம் விண்ணப்பங்கள் விநியோகமாகியுள்ளதாக பணியகம் தெரிவித்துள்ளது.

விண்ணப்பங்களை வழங்கும் திகதி நாளையுடன் (28) நிறைவடையவுள்ளமையினால் உற்பத்தி, நிர்மாணத்துறை, கடற்றொழில் ஆகிய துறைகளில் திறமையும் ஆர்வமும் உள்ளவர்கள் விண்ணப்பங்களை பெற்றுக்கொள்ளலாம் என்று பணியம் அறிவித்துள்ளது.