சவுதியிலிருந்து நாடுதிரும்பிய 9 பேருக்கு கொரோனா

சவுதி அரேபியாவில் இருந்து நாடுதிரும்பிய 9 பேருக்கு நேற்று கொவிட்-19 தொற்றுறுதியானது.

அவர்கள் அனைவரும் றியாத்தில் இருந்து நாடுதிரும்பிய நிலையில் தனிமைப்படுத்தப்பட்டவர்கள் என அரசாங்க தகவல் திணைக்களம் தெரிவித்துள்ளது.

இதேநேரம், பங்களாதேஷிலிருந்து நாடுதிரும்பிய 2 பேருக்கும், பிலிப்பைன்ஸிலிருந்து வந்த அந்த நாட்டைச் சேர்ந்த ஒருவருக்கும், ஈரானில் இருந்து வந்த கடல் தொழிலாளர் ஒருவருக்கும் கொவிட்-19 தொற்றுறுதியாகியுள்ளது.

நேற்றைய தினம் 13 பேருக்கு கொவிட்-19 தொற்றுறுதியானது.

இதற்கமைய, நாட்டில் இதுவரை கொரோனா தொற்றுறுதியானவர்களின் எண்ணிக்கை 2,094 ஆக அதிகரித்துள்ளது.

ஆயிரத்து 967 பேர் தொற்றிலிருந்து பூரண குணமடைந்து வைத்தியசாலையில் இருந்து வீடுதிரும்பியுள்ளனர்.

116 பேர் வைத்திசாலைகளில் சிகிச்சை பெற்று வருகின்றனர்.