துன்புறுத்தல்களினால் குவைத்திலிருந்து நாடுதிரும்பிய 58 பணிப்பெண்கள்

தொழிலுக்காக குவைத் சென்று பல்வேறுப்பட்ட இன்னல்களுக்கு முகங்கொடுத்த 58 இலங்கை பணியாளர்கள் இன்று நாடு திரும்பியுள்ளனர்.

அவர்கள் குவைத்தில் உள்ள சுரக்ஷா தடுப்பு மத்திய நிலையத்தில் இருந்து நாட்டுக்கு திரும்பியதாக வெளிநாட்டு வேலைவாய்ப்பு பணியகம் தெரிவித்துள்ளது.

நாட்டின் பல பகுதிகளை சேர்ந்த குறித்த 58 பேரும் இன்று காலை 6.20 அளவில் ஸ்ரீலங்கன் விமான சேவைக்கு சொந்தமான யூ.எல் 230ரக விமானம் மூலம் நாட்டை வந்தடைந்துள்ளனர்.

தாங்கள் பணியாற்றிய வீடுகளில் உள்ளவர்களினால் பெரும் துன்பங்களை அனுபவித்த நிலையில், நாடு திரும்பியதாக பாதிக்கப்பட்ட பணிப்பெண்கள் தெரிவித்துள்ளனர்.