ஐக்கிய அரபு இராச்சியத்தில் தொடர்ச்சிாய பனிமூட்டமான காலநிலை காணப்படும் என்பதால் மோட்டார் வாகன சாரதிகள் அவதானத்துடன் இருக்குமாறு அந்நாட்டு வானிலை அவதான நிலையம் எச்சரித்துள்ளது.
நாளை (15) தொடக்கம் எதிர்வரும் 18ம் திகதி திங்கட் கிழமை வரையில் டுபாய் மற்றும் அபுதாபி ஆகிய நகரங்களில் இக்காலநிலை தொடரும் என்று தெரிவிக்கப்பட்டுள்ளது. பனிமூட்டம் காரணமாக சுமார் 1000 மீற்றருக்கும் குறைவாகவே தௌிவாக காணக்கூடியதாக இருக்கும் என்பதனால் அவதானத்துடன் வாகனங்களை ஓட்டுமாறு மோட்டார் வாகன சாரதிகள் அறிவுறுத்தப்பட்டுள்ளனர்.
மேலும் இடியுடன் கூடிய மழை பெய்யலாம் என்றும் இந்நிலை நாளை (15) தொடக்கம் எதிர்வரும் திங்கட் கிழமை வரை தொடரக்கூடும் என்றும் அறிவிக்கப்பட்டுள்ளது.
நாளை தொடக்கம் எதிர்வரும் திங்கட் கிழமை (18) தாழமுக்கம் காரணமாக வடக்கு மற்றும் கிழக்கு பகுதிகளில் மழையுடன் கூடிய குளிர் காற்று வீசக்கூடும் என்றும் மணல் மற்றும தூசு காரணமாக வீதிகள் தௌிவாக காணப்படுவதற்கான சாத்தியங்கள் காணப்படுகின்றமையினால் மோட்டார் வாகன சாரதிகள் மிகவும் கவனமாக செயற்படுமாறும் அந்நாட்டு வானிலை அவதான நிலையம் எச்சரித்துள்ளது.
Print 
PDF