வெளிநாடுகளில் இருந்து இலங்கையர்களை அழைத்துவருவது மட்டுப்படுத்தப்படுகிறது

வெளிநாடுகளில் இருந்து இலங்கையர்களை மீண்டும் நாட்டுக்கு அழைத்து வரும் பணிகளை மட்டுப்படுத்த நடவடிக்கை எடுக்கப்படுவதாக வெளிவிவகார அமைச்சு தெரிவித்துள்ளது.

நாட்டில் தற்போது கொரோனோ வைரஸ் தொற்றாளர்கள் அதிகளவில் அடையாளம் காணப்பட்டுவருவதன் காரணமாகஇ அவர்களுக்கான வைத்தியசாலை வசதிகளை ஏற்படுத்திக் கொடுத்தல் மற்றும் அவர்களுடன் தொடர்புடையவர்களை தனிமைப்படுத்த நடவடிக்கை எடுத்தல் முதலான காரணங்களின் அடிப்படையில் வெளிநாடுகளிலிருந்து இலங்கையர்களை நாட்டுக்கு அழைத்து வருவதை மட்டுப்படுத்தப்பட்டு உள்ளதாக தெரிவிக்கப்படுகின்றது.

இலங்கையில் பதிவாகும் கொரோனா தொற்றாளர்களின் எண்ணிக்கை வரும் நாட்களில் அதிகரிக்கக்கூடும் என்பதால்,  இந்த மட்டுப்பாடு இடம்பெறுவதாக அமைச்சு தெரிவித்துள்ளது.