பதினைந்து வருட சம்பளத்தை ஒரே நாளில் பெற்ற இலங்கைப் பெண்

பதினைந்து வருடங்கள் சம்பளமின்றி சவுதியில் பணியாற்றி இலங்கை பெண்ணுக்கு சம்பளப் பணத்தை மீட்டுக்கொடுத்துள்ளது வௌிநாட்டு வேலைவாய்ப்பு பணியகம்.

கடந்த 2000மாம் ஆண்டு தனது 14வது வயதில் போலி சான்றிதழ்களை சமர்ப்பித்து வௌிநாடு சென்றுள்ள குறித்த பெண் அங்கு 15 வருடங்கள் சம்பளமின்றி பணியாற்றியுள்ளார். அவருக்கு 15 வருட சம்பளமாக 49 இலட்சத்து 36 ஆயிரம் ரூபா பணியக தலையீட்டினூடாக பெற்றுக்கொடுக்கப்பட்டுள்ளது.

இதுவரை வௌிநாடு சென்ற எந்த இலங்கையரும் பெற்றிராத சம்பள தொகை இதுவாகும் என பணியகம் சுட்டிக்காட்டியுள்ளது.