மத்திய கிழக்கு நாடுகளில் இருந்து 745 பேர் தாய்நாடு திரும்பினர்

கொவிட்-19 காரணமாக நாடுதிரும்ப முடியாமல், குவைட், ஐக்கிய அரபு இராச்சியம், கட்டார், இந்தியா முதலான நாடுகளில் சிக்கியிருந்த 745 இலங்கையர்கள் இன்று (20) அதிகாலை நாட்டை வந்தடைந்தனர்.

கட்டாரில் இருந்து 20 பேரும், சென்னையில் இருந்து 290 பேரும் கட்டுநாயக்க விமான நிலையத்தை வந்தடைந்தனர்.

குவைத்தில் இருந்து 266 பேரும், ஐக்கிய அரபு இராச்சியத்தில் இருந்து 169 பேரும் மத்தள விமான நிலையம் ஊடாக நாட்டை வந்தடைந்தனர்.

அவர்கள் அனைவரும் விமான நிலையங்களில் வைத்து, பி.சி.ஆர் பரிசோதனைக்கு உட்படுத்தப்பட்டு, தனிமைப்படுத்தல் மையங்களுக்கு அனுப்பி வைக்கப்படவுள்ளனர்.